شعر
تورپاغام ، ائللرین آغلار آلایی وار منده
گؤزو یاشلی آرازی ، آرپا چایی وار منده
بایاتی داغلی سینمدن اومانیم ، قوی اومسون
بیر چیچک هر دره نین نغمه پایی وار منده
یایلیغیندان ال آتیب دَرمَه میشم ....سئودیجه ییم
ائللرین گوللو یازی ، گوللو پایی وار منده
بوکمه قورلو سسیمی بوخچا لار بوکمه ...قورون
ایلدیریم آیناسییام ، اود هارایی وار منده
شنگولوم ! قاچ أوزونو قورتار الیمدن هله لیک
قورد وار منده ... منیم نازلیم ! ...آیی وار منده
جانیمی یوللارا سردیم ، گونش آددیملا مادی
حسرتین گورنه دومانلی دولایی وار منده
داماریمدا قان آغیر آددیم آتیر .... نیلَه مَله لی
ائللرین بلکه بوغولموش سارایی وار منده
شعری ازاستاد نادر الهی مشکینی http://n-elahi.persianblog.ir
+ نوشته شده در پنجشنبه دوازدهم مرداد ۱۳۹۱ ساعت 19:5 توسط مرتضی کرامتی
|